Liebe Monika
Es het klappet! I ha d Laschtwagefahrprüefig gschafft! Danke viu mou für dini Tipps und Tricks und für di Suport! I bi z beschte Bischpiu, das dini Arbeit würkig het!
I ha vorhär 2 Mou d Prüefig nid gschafft, obschon mi Fahrlehrer het gseit, i fahri guet und sig parat und i weiss säuber, das ig guet und sicher fahre – aber immer wenn e Experte näbe mir isch igstige, isch nüt me gange – ha Panik übercho,afo zittere und gränne. Wüu der Lehrfahruswis gli nach der 2 Prüefig wär abglofe, (und ig när 2 Johr müesst Pouse mache) hani zuesätzliche Druck und Stress gha.
Mit der CD wo du mir hesch ufgno und mit Hypnose isch mis Säubschtvertroue stetig gwachse. Mit der NLP Kinotechnik hani mis Trauma vo de lezschte 2 Prüefige chönne überwinde.
4 Sitzige innert 2 Wuche hei zum Erfoug gfüert.
Sarah (Name geändert)